من أنا؟

أخوكم خالد بن أحمد الحقيل. من مواليد ١٩٨٣م. درست في مدارس التربية النموذجية و دخلت جامعة الملك سعود تخصص علوم الحاسب لأني أعشق الكمبيوتر والبرمجة من يوم عمري ١٥ سنة. زوجتي نوره بنت سعد السويلم وعندنا عبد العزيز وأحمد ولمى.

أعمل الآن في دومينوز بيتزا. قد يكون غريب للبعض أنه تخصصي حاسب وأشتغل في شركة تبيع بيتزا ولكن الواقع يقول غير كذا. التقنية أصبحت جزء لا يتجزأ من أي عمل. وحتى لو كان فيه شركة ما تعتمد على التقنية أبداً، فبرأيي الشخصي ما راح تستمر هذي الشركة أبداً.

على المستوى الشخصي، صداقاتي محدودة ولكنها تدوم طويلاً. عنيد في بعض الأشياء ومتساهل في أخرى. ما أحب الشاهي ولا القهوة ولا الفصفص ولا البلوت ولا الكورة. يعني حسب وصف بعض اللي حولي: مانيب سعودي. وهذا يشكل حيرة لأي أحد يبي يعزمني وجوابي دائماً أقول له أهم شيء عندي أني آخذ أخبارك وأستمتع بالجلسة. تسألني وش أحب؟ أحب أعمل في تخصصي، أحب أقرأ كتب، أحب الأفلام والمسلسلات والأغاني وطبعا أحب أقضي وقت مع زوجتي وأطفالي. أحب آكل بيتزا وأقضي وقتي مع زوجتي وأطفالي. أحب أطبخ (مع أنه أكلي لك عليه) وأستمتع بالأكل (مع أنه فيه خرابيط واجد مانيب أحب آكلها). مدمن عمل ولا أعرف أقعد فاضي. لقبي عند الشلة Family Man وهذا لقب أفتخر فيه.

هذي نبذة بسيطة عني وإن شاء الله المدونة يكون فيها مواضيع تخليكم تعرفوا أكثر من أنا.